Ауа райы
Астана -5 °С
Алматы -2 °С
валюта бағамы
USD 384.97
EUR 427.12
RUB 6.04
CNY 54.75

2020 жылы денсаулық сақтау саласына бөлінетін қаражат 300 млрд теңгеге артады

2019 жылдың 25 қазан 2019 12:28

НҰР-СҰЛТАН. ҚазАқпарат – 2020 жылы Қазақстанның денсаулық сақтау саласына 1,5 трлн теңге бөлінеді. Бұл туралы Қаржы министрінің бірінші орынбасары Берік Шолпанқұлов Парламент Сенатының депутаттарына 2020-2022 жылдарға арналған республикалық бюджет жобасын таныстыру кезінде айтып өтті, деп хабарлайды ҚазАқпарат тілшісі.

«2020-2022 жылдары денсаулық сақтау жүйесіне арналған қаржы көлемі – 4,7 трлн теңге. Оның ішінде 2020 жылы 1,5 трлн теңге бөлінеді. Бұл сома осы жылдың деңгейіне қарағанда 298,5 млрд теңгеге жоғары. Аталған өсім негізінен міндетті әлеуметтік медициналық сақтандыруға көшу және медицина қызметкерлері еңбекақысының ұлғаюына байланысты болып отыр», - деді вице-министр.

Берік Шолпанқұлов сонымен қатар, мүгедектігі бар адамдарды әлеуметтік қорғаудың тиімді жүйесін құру мақсатында Мүгедектер құқығын қамтамасыз ету және өмір сүру сапасын жақсарту жөніндегі іс-шаралар жоспары әзірленгенін жеткізді.

«Үш жылдық бюджетте оны іске асыруға 58,2 млрд теңге, оның ішінде 2020 жылға 18,9 млрд теңге бөлу жоспарланған», - деді ол.

Айта кетсек, бүгін Берік Шолпанқұлов Парламент Сенатының депутаттарына 2020-2022 жылдарға арналған республикалық бюджет жобасын таныстырып, білім және ғылым жүйесін дамытуға 2020-2022 жылдары 3,7 трлн теңге бөлінетінін мәлім еткен болатын.

Жоғары қарай