Ауа райы
Астана -24 °С
Алматы 0 °С
валюта бағамы
USD 387.16
EUR 428.47
RUB 6.08
CNY 55.13

4 мыңға жуық қымбат телефонды елімізге кіргізбек болған Қырғызстан азаматы ұсталды

2019 жылдың 23 қыркүйек 2019 11:31

ҚОРДАЙ. ҚазАқпарат - Қырғыз Республикасының азаматы әртүрлі маркалы 3865 дана ұялы телефонды шекарадан өткізбек болған жерінен ұсталды, деп хабарлайды ҚазАқпарат Ұлттық қауіпсіздік комитетінің шекара қызметіне сілтеме жасап.

«Көрші мемлекеттен біздің елімізге өтпек болған азаматтың жекеменшік DAF автокөлігін тексеру барысында шекарашылар 3865 дана әртүрлі маркалы, қымбат ұялы телефондарды тауып алды. 28 жастағы Қырғызстан азаматының тауарына ешқандай рұқсат құжаттары жоқ болып шықты», - делінген хабарламада.

ҚР Ұлттық қауіпсіздік комитеті шекара қызметінің хабарлауынша, көлікте 906 дана Iphone, 2310 дана әр түрлі модельді Samsung, 205 дана Redmi, 380 дана Huаwei, 64 дана Vertu ұялы телефоны болған. Автокөлік жүгімен бірге экономикалық қылмыстарды тексеру департаментіне тапсырылды.


Жоғары қарай