Ауа райы
Астана -10 °С
Алматы -1 °С
валюта бағамы
USD 388.70
EUR 428.70
RUB 6.08
CNY 55.46

4 тамыз. ҚазАқпарат күнтізбесі

2019 жылдың 4 тамыз 2019 07:00

НҰР-СҰЛТАН. ҚазАқпарат - ҚазАқпарат оқырмандарына 2019 жылғы 4 тамызға арналған күнтізбені ұсынады.

Қазақстанда көлік қызметкерлері күні

Жыл сайын тамыздың бірінші жексенбісінде атап өтіледі. Ресми мәртебесі бар және 1998 жылғы ҚР Президентінің жарлығымен бекітілген Қазақстан Республикасының кәсіби мерекелер тізбесіне кіреді.

ЕСТЕ ҚАЛАР ОҚИҒАЛАР

1974 жылы Әбдіжәміл Нұрпейісовтің 1918-1920 жылдардағы бірінші дүниежүзілік соғыс пен азаматтық соғыс кезінде Қазақстанда болған оқиғалар туралы жазған «Қан мен тер» трилогиясы СССР Мемлекеттік сыйлығын иеленді.

2003 жылы Астанадағы Республикалық клиникалық ауруханада әлемде тұңғыш рет жұлынның жүйке клеткаларын трансплантациялау бойынша операция өткізілді.

Пациент екі жыл бойы аяғын сезбеген болатын. Операциядан кейін екінші күні оның аяқтарына жан кірді. Операцияны сол кездегі Қазақстан Республикасының Денсаулық сақтау министрі, профессор Жақсылық Досқалиев өткізді.

2004 жылы Қазақстан Республикасы Президенті Әкімшілігінің Ішкі саясат басқармасы құрамындағы Қазақстан халқы Ассамблеясының хатшылығы құрылды.

2010 жылы Алматыда қазақстандық режиссер Талғат Теменовтің «Менің күнәлі періштем» романтикалық кинолентасының түсірілімі басталды.

2011 жылы «Жұлдыз» балалар қоғамдық ұйымдарының республикалық одағы ҚР Тұңғыш Президентінің Музейіне алтын қылышты сыйға тартты. Ол Ұжымдық қауіпсіздік шарты ұйымына мүше елдердің 2008 жылы Қырғызстанда өткен жас патриоттар халықаралық жиынының жоғары ресми наградасы ретінде табысталған болатын.

2013 жылы Тегеранда ҚР Президенті Нұрсұлтан Назарбаев жаңадан сайланған Иран Ислам Республикасының президенті Хасан Руханидің инаугурациясы рәсіміне қатысты.

2013 жылы «Sensitive» бал билері ансамблінің ересектер тобы Болгариядан Қазақстанға жеңіспен оралды. «Sensitive» бишілері испан биін, Ча-ча-ча әуендерін орындап, көрермен сүйіспеншілігіне бөленді және байқауға қатысқан елуден астам топ арасында жеңіске жетті. Халықаралық қазылар алқасы, ең бастысы, көрермендер ұжымның өнеріне қошеметпен қол соғып, бірінші орынға лайық деп таныды.

2016 жылы Алматыда перзентханалар мен перинаталдық орталықтарға арналған жаңа медициналық сервис іске қосылды. Ол нәресте туған кезде ол жайлы электронды деректерді енгізіп, арнаулы білезікке жапсырылып, нәрестенің қолына байлап қоюға арналған. Осы сервистің арқасында білезіктердің желімінің ажырауы, балалардың ауысып кетуі тоқтады. Өйткені білезіктегі арнаулы ілмек оның жоғалуына, деректердің алмасып кетуіне жол бермейді.

2016 жылы ХХХІ жазғы Олимпиада ойындарының астанасы Бразилияның Рио-де-Жанейро қаласында Қазақстанның туы көтерілді. Риода 104 спортшы Қазақстанның намысын қорғады.

Олимпиадада медальдардың рекордтық жиынтығы (306) ойнатылды. Ойындарға 207 ел қатысты, оның ішінде Косово мен Оңтүстік Судан алғаш рет жарыс жолына шықты.

2017 жылы Қазақстанда алғаш рет ЕС-145 тікұшағының (FNPT III) ұшу-навигациялық тренажерінде ҚР Әскери әуе күштерінің ұшқыштары жаттыға бастады. Тренажер экипаждың кәсіби дайындығының сапа деңгейін арттырып, ұшу қауіпсіздігін қамтамасыз етеді.

2017 жылы Астанада ерекше қажеттілігі бар адамдардың қатысуымен «Blind Race Astana - Paris» веломарафоны басталды. Велошабандоздар алты елдің: Қазақстан, Ресей, Беларусь, Польша, Германия, Франция елдерінің шекарасынан асып, 30 қаладан өтті. Нашар көретін және зағип велосипедшілер марафон барысында 5 000 шақырымды еңсерді.

2018 жылы Арменияда өткен «Достастық жауынгерлері» әскери-кәсіби халықаралық сайысында Қазақстан Республикасы Қарулы Күштерінің командасы бірінші орынды иеленді. Байқауға Армения, Беларусь, Грекия, Иран, Қазақстан және Ресей командалары қатысты.

Басты сөздер: Күнтізбе,
Жоғары қарай