Ауа райы
Астана 9 °С
Алматы 3 °С
валюта бағамы
USD 389.59
EUR 429.06
RUB 6.05
CNY 55.07

500-ден астам солтүстікқазақстандық жас әскерге аттанады

2019 жылдың 22 қыркүйек 2019 07:32

ПЕТРОПАВЛ. ҚазАқпарат – «Ел тірегі» республикалық науқаны аясында Солтүстік Қазақстан облысынан жігіттердің алғашқы тобы Отан алдындағы борышын өтеуге әскерге аттанды, деп хабарлайды ҚазАқпарат тілшісі.

Солтүстік өңірден аттанған 21 сарбаз Шығыс Қазақстан облысының Күршім ауданында орналасқан ҰҚК Шекара қызметінің әскери бөлімінде міндетін атқарады.

Жігіттерді ҚР Қарулы Күштерінің және Ауған соғысының ардагерлері, туған-туыстары мен достары салтанатты түрде шығарып салып, Отан алдындағы қасиетті парызды абыройлы орындап, аман-есен үйлеріне оралуларына тілектестік білдірді. Келесі кезекте болашақ сарбаздар Семей, Ақтөбе, Алматы, Астана, Қостанай Қарағанды бағыттары бойынша әскерге аттанады.

СҚО Қорғаныс істері жөніндегі департаменттің бастығы Талғат Әліқұловтың айтуынша, әскери бөлімдерден офицерлер келіп, 3 күн ішінде іріктеу жасайды. Әскерге жіберілетін азаматтармен және олардың ата-аналарымен әңгімелесіп, зерделеу жұмыстары жүргізіледі.

«Ел армиясының қатарын сайдың тасындай сарбаздармен жасақтау - зор жауапкершілікті жүктейтін жұмыс. Өйткені бүгінгі бозбала ертең әскер қатарына қосылғанда елдің шетінде, желдің өтінде жүріп, ел тыныштығын қорғайды. Ата-ананың алақаны, жылы ұясынан шықан жас жігіт »әскер« атты үлкен мектепте шыңдалады, шынығады», - дейді Талғат Әліқұлов.

СҚО Қорғаныс істері департаменті баспасөз қызметінің мәліметінше, биыл күзгі шақырылымда республика бойынша 30 мың, ал СҚО бойынша 500-ден аса азамат әскерге аттанады.


Жоғары қарай