Ауа райы
Астана 9 °С
Алматы 4 °С
валюта бағамы
USD 389.59
EUR 429.06
RUB 6.05
CNY 55.07

90 көлік «Қазығұрт» кеден бекетінде кідіруге мәжбүр болды

2019 жылдың 13 наурыз 2019 20:35

АСТАНА. ҚазАқпарат - Өзбекстанға өтуге келген 90 автокөлік құралдары «Қазығұрт» кеден бекетінде кезек күтуде, деп хабарлайды ҚазАқпарат . ҚР ҚМ Мемлекеттік кірістер комитетінің баспасөз қызметіне сілтеме жасап.

«12 наурызда шамамен сағат 10.00-де Түркістан облысы бойынша МКД-нің «Қазығұрт» кеден бекетінде, тауарларды экспорттау кезінде олардың кетуін растау бөлігінде «АСТАНА-1» АЖ ішінара жұмыс жасаған жоқ. Модулдің жұмыс жасамауына байланыс желісінің тұрақты іске қосылмауы себеп болды.

Осыған байланысты, 12.03.2019 жылғы сағат 18.00-де өткізу пунктінің алдында 180 автокөлік құралдары топталып қалды.

Сағат 18.30-ден бастап ақпараттық жүйе штаттық режімде жұмыс істей бастады.

Кептелісті азайту үшін өткізу пунктінде қосымша қызметкерлер көмекке келді және шығу бағытында автокөлік құралдарынан 167-ден астамы рәсімделді. Тасымалдаушылармен консультативтік жұмыстар жүргізілді және басқа да кептелісі жоқ өткізу пункттерінен өтуге жіберу жүзеге асырылды.

13.03.2019 жылғы сағат 16.00-дегі жағдай бойынша Өзбекстанға өтуге келген автокөліктерді ескере отырып, 90 автокөлік құралдары кезек күтуде.

Кезектерді болдырмау мақсатында 2018 жылғы қарашадан күн сайын сағат 9.00-ден бастап және сағат 21.00-де тасымалдау бағытын таңдау үшін өткізу пункттері алдында тұрған көлік құралдарының саны туралы ақпараттар Түркістан облысы бойынша МКД-нің сайтында және әлеуметтік желілерде орналастырылады.

Сондай-ақ, қазіргі уақытта Индустрия және инфрақұрылымдық даму министрлігі мен Түркістан облысының әкімшілігі бірлесіп тасымалдаушыларға ыңғайлы болуы үшін осыған ұқсас кептелістер туындаған кезде өткізу пункттеріне жақын тұрақтар ұйымдастыру және жайластыру мәселесі пысықталуда.

Басты сөздер: Түркістан облысы, Көлік,
Жоғары қарай