Ауа райы
Астана -7 °С
Алматы 0 °С
валюта бағамы
USD 379.75
EUR 415.18
RUB 5.78
CNY 54.19

Ақмола облысында 1 млн теңге пара алған бөлім басшысы сотталды

2020 жылдың 21 қаңтар 2020 11:56

НҰР-СҰЛТАН. ҚазАқпарат – Ақмола облыстық ауыл шаруашылығы басқармасының бөлім басшысы алаяқтық жасағаны үшін сотталды, деп хабарлайды ҚазАқпарат тілшісі Сыбайлас жемқорыққа қарсы қызметке сілтеме жасап.

Ведомство мәліметінше, Ақмола облысының сыбайлас жемқорлыққа қарсы қызметі «Ақмола облысының ауыл шаруашылығы басқармасы» ММ егін шауаршылығы және астық нарығын реттеу бөлімінің басшысы Е.Бектұровтың үстінен сыбайлас жемқорлық қылмысын жасағаны үшін тергеу жүргізген.

Ол «Агрофирма Жер 888» ЖШС өкілінен 2017-2021 жылдарға арналған ҚР агроөнеркәсіптік кешенін дамыту мемлекеттік бағдарламасы аясында субсидия беру мәселесін оң шешкені үшін 1 млн теңгені алдау жолымен иемдену күдігіне ілінген болатын.

«Осы жылдың 20 қаңтарында Көкшетау қалалық сотының үкімімен Е.Бектұров алаяқтық жасағаны үшін кінәлі деп танылып, оған 3 млн теңге көлемінде айыппұл салынды және мемлекеттік қызметте лауазым иелену құқығынан айырылды», - деп атап өтеді сыбайлас жемқорыққа қарсы қызметтен.

Жоғары қарай