Ауа райы
Астана 22 °С
Алматы 25 °С
валюта бағамы
USD 408.61
EUR 454.09
RUB 5.86
CNY 57.28

Ақтөбеде ақбөкеннің мүйізін кесіп алған браконьерлер ұсталды

2020 жылдың 18 ақпан 2020 21:21

АҚТӨБЕ. ҚазАқпарат – Ақтөбенің Әйтеке би ауданында киік мүйізін кесіп алған күдіктілер ұсталды, деп хабарлайды ҚазАқпарат тілшісі.

15 ақпан күні Ақтөбе облысы Әйтеке би ауданының криминалдық және табиғатты қорғау полиция бөлімінің қызметкерлері «КамАЗ» автокөлігін тоқтатты. Оның ішінде жүргізуші мен екі жолаушы болған. Барлығы - Әйтеке би ауданының тұрғындары. Автокөлікті тексеру кезінде 6 дана ақбөкен мүйізі, үш қоян және ара табылып, тәркіленді. Күдіктілер жайылымнан 100 шақырым жерде ақбөкен мүйізін кескенін айтты.




«Тіркелген дерекке қатысты Қылмысты кодекстің «Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу» бабы бойынша қылмыстық іс қозғалды. Тергеу амалдары жүріп жатыр. Күдіктілер уақытша тергеу изоляторына қамалды», - деп хабарлайды облыстық ПД баспасөз қызметінің жетекшісі Ерболат Сарқұлов.


Жоғары қарай