Ауа райы
Астана 5 °С
Алматы 14 °С
валюта бағамы
USD 447.67
EUR 491.36
RUB 5.74
CNY 63.07

Ақтөбеде балабақшадан өрт шықты

2020 жылдың 20 ақпан 2020 12:13

АҚТӨБЕ. ҚазАқпарат – Ақтөбеде балабақша ішінде электр тогының қысқа тұйықталуы болып, өртене бастаған, деп хабарлайды ҚазАқпарат тілшісі.

Бүгін сағат 9:15-те Ақтөбе қаласы, Тұрғындар қалашығы ауданындағы «Әсел» балабақшасынан өрт шықты. 102 нөміріне хабар түскен бойда оқиға орнына полиция жедел жеткен. Облыстық полиция департаменті баспасөз қызметінің хабарлауынша, ғимарат ішінен түтін шыққанын көрген құқық қорғаушылар дереу құтқару жұмыстарына кірісіп, 90 баланы эвакуациялады. Олардың барлығын автобусқа отырғызды.




«Электр тогының қысқа тұйықталуынан жан-жағы жана бастаған, бірақ жалын кең тарап кетпеді. Барлығы 130 адам эвакуацияланды. Басым бөлігі - бүлдіршіндер. Өрт сөндіру қызметінен 20-ға жуық техника мен 60 адам жұмылдырылды», - деп хабарлады облыстық ТЖД баспасөз қызметі.





Жоғары қарай