Ауа райы
Астана -3 °С
Алматы 8 °С
валюта бағамы
USD 388.07
EUR 427.54
RUB 6.08
CNY 55.36

Ақтөбеде жас келіншектің өліміне қатысты комиссия құрылды

2019 жылдың 16 қазан 2019 14:25

АҚТӨБЕ. ҚазАқпарат - 20 жастағы Гүлдана Нұрмағамбетованың өліміне қатысты облыстық Денсаулық сақтау басқармасы, Тауарлар мен көрсетілетін қызметтер сапасы мен қауіпсіздігін бақылау басқармасы комиссия құрды, деп хабарлайды ҚазАқпарат тілшісі.

«Көз жұмған келіншек жеке клиникада тексеруден өтіп, ем қабылдаған. Сол күні жатыр түтікшесінің өткізу қабілеті тексерілген. Сот-медицина сараптамасының берген болжамы бойынша анафилактикалық шок алған. Қазіргі уақытта облыстық Денсаулық сақтау басқармасы, Тауарлар мен көрсетілетін қызметтер сапасы мен қауіпсіздігін бақылау басқармасы комиссия құрды. Нақты шешімі шыққан уақытта қосымша хабар беріледі. Облыстық денсаулық сақтау басқармасы қайтыс болған келіншектің отбасына көңіл айтады», - деп хабарлады облыстық денсаулық сақтау басқармасының баспасөз қызметі.

Айта кетейік, 14 қазан күні 20 жастағы келіншек медициналық орталықта көз жұмды. Осы оқиғаға байланысты Қылмыстық кодекстің 317-бабы 3-бөлігімен іс қозғалды.

Жоғары қарай