Ауа райы
Астана 15 °С
Алматы 20 °С
валюта бағамы
USD 383.43
EUR 432.47
RUB 6.12
CNY 55.78

Әлеуметтік желі деструктивті мақсатта қолданылмауы тиіс - ҚР Президенті

2019 жылдың 10 маусым 2019 19:37 1241

НҰР-СҰЛТАН. ҚазАқпарат - Әлеуметтік желі деструктивті мақсатта қолданылмауы тиіс. Бұл туралы бүгін Ақордада отандық және шетелдік БАҚ өкілдеріне сұхбат берген ҚР Президенті Қасым-Жомарт Тоқаев айтты, деп хабарлайды ҚазАқпарат тілшісі.

«Менің өзім әлеуметтік желіні белсенді түрде қолданамын. Твитердегі  парақшамды өзім жүргіземін. Сондықтан әлеуметтік желілердің бұғатталатыны жайында білген емеспін. Әрине, құқық қорғау органдарына  тиісті тапсырма берілетін болады», - деді ҚР Президенті БАҚ өкілдерінің кешке қарай әлеуметтік желінің бұғатталуына қатысты қойған сауалына орай.

Дегенмен Мемлекет басшысы әлеуметтік желі деструктвті мақсатта, халықты арандатушылыққа шақыруға, оның үстіне адамдарды бір-біріне айдап салуға қолданылмауы тиістігін баса айтты.

«Интернет әбебап дүние. Біздің өміріміздің шынайы мәніне айналып отыр», - деді Қасым-Жомарт Тоқаев.

 

 

Жоғары қарай