Ауа райы
Астана 5 °С
Алматы 7 °С
валюта бағамы
USD 388.96
EUR 432.21
RUB 6.09
CNY 54.99

Алматы облыстық жергілікті полиция қызметінің бастығы жұмыстан шығарылды

2019 жылдың 20 қыркүйек 2019 17:43

ТАЛДЫҚОРҒАН. ҚазАқпарат - Алматы облысының Полиция департаменті жергілікті полиция қызметінің бастығы Марат Күштібаев қызметтік тергеу жұмыстарынан кейін қызметінен кетті, деп хабарлайды ҚазАқпарат тілшісі.

«Қызметтік тексерістен кейін Ішкі істер министрінің бұйрығымен Алматы облыстық Полиция департаменті жергілікті полиция қызметінің бастығы өз лауазымынан босатылды», - деді ІІМ ресми өкілі Нұрділдә Ораз.

Айта кетейік, Алматы облыстық жергілікті полиция қызметінің бастығы Марат Күштібаевтың жұмыстан кетуіне әлеуметтік желінде жарияланған аудиожазба себепші болған. Аудиожазбада ер адам өзге полицейлерге жұмыстарын дұрыс істемейтінін сынға алып, былапыт сөз айтқанын естуге болады. Ал осы аудиожазбаны Марат Құсайынов есімді желі қолданушысы екі күн бұрын, яғни 18 қыркүйекте жариялаған.

Естеріңізге сала кетейік, атышулы аудиожазбадан кейін Ішкі істер министрі Ерлан Тұрғымбаевтың 2019 жылғы 19 қыркүйектегі бұйрығымен Алматы облысының Полиция департаменті жергілікті полиция қызметінің бастығы Марат Күштібев уақытша қызметінен босатылғанын хабарлаған болатынбыз.


Фото: 7sunews.kz

Автор Самал Қабышева
Басты сөздер: Алматы облысы, ҚР ІІМ,
Жоғары қарай