Ауа райы
Астана 29 °С
Алматы 37 °С
валюта бағамы
USD 383.98
EUR 430.63
RUB 6.11
CNY 55.83

Алматы облысы Арыстың 150 баласын жазғы лагерьге қабылдауға дайын - әкімдік

2019 жылдың 25 маусым 2019 16:21 262

ТАЛДЫҚОРҒАН. ҚазАқпарат- Алматы облысының әкімдігі Арыс қаласының 150 баласын жазғы лагерьге қабылдауға дайын. Сондай-ақ ертең Түркістан облысына 8 ауыр жүк көлігі  гуманитарлық көмек жеткізу мақсатында жолға шығады, деп хабарлайды ҚазАқпарат тілшісі.

"Алматы облысы Арыстағы ағайынға қолдан келген көмекті көрсетуге дайын. Жетісу өңірі Арыстағы 150 баланың жазғы демалысын жақсы өткізу мақсатында  лагерьге қабылдаймыз. Сонымен қатар ертең 8 ауыр жүк көлігі Түркістан облысына  гуманитарлық көмекті жеткізеді", - деді Алматы облысы әкімінің баспасөз қызметінің жетекшісі Ғалымұрат Жүкел.

 Естеріңізге сала кетейік, Алматы облысындағы мемлекеттік қызметшілер, ведомстволық және бюджеттік мекеме жұмысшылары Арыс тұрғындарына қолдау көрсету мақсатында біркүндік жалақысын аударатынын бұған дейін хабарлағанбыз. Сондай-ақ өңірде #ЖетісуАрыспенБірге хэштегі аясында түрлі қайырымдылық акциялары ұйымдастырылуда.

 

 

Жоғары қарай