Ауа райы
Астана -8 °С
Алматы -2 °С
валюта бағамы
USD 385.55
EUR 426.57
RUB 6.05
CNY 54.77

Алматыда 7 жастағы оқушыны мектеп жанында көлік қағып кетті

2019 жылдың 14 қараша 2019 18:27

АЛМАТЫ. ҚазАқпарат  - Алматыда 7 жастағы оқушы қызды мектептің қасында көлік қағып кетті, деп хабарлайды ҚазАқпарат тілшісі.

Оқыс оқиғаның видеосы Instagram желісінде жарияланды.

Оқиға куәгерлерінің айтуынша, оқиға №68 мектептің қасында болған.

Қызды жедел жәрдем қызметкерлері Балаларға арналған шұғыл медициналық көмек көрсету орталығына әкелді.

Баланың жағдайын дәрігерлер орташа деп бағалап отыр.

«7 жастағы қыз бала түсті. Басы ауырып тұрғанына шағымданды. Баланы мультидисциплинарлы бригада тексерді. Сүйектеріне зақым келмеген, алайда оның жабық ми жарақатын алғаны анықталды. Сондай-ақ, миы шайқалған. Бала нейрохирургиялық бөлімшеге жатқызылды», - деді Қоғамдық денсаулықты сақтау басқармасынан.

Полицияның мәліметінше, жол апаты Бостандық ауданында таңғы 07:35-те болған. «Тойота» көлігі 7 жастағы қыз баланы қағып кеткен.

«Қазір жол апаты дерегін Бостандық ауданы полиция басқармасы анықтап жатыр. Тиісті сараптамалар тағайындалды»,- деді полиция басқармасы.

Автор Гүлмира Ғосманәли
Басты сөздер: Оқиға, Алматы,
Жоғары қарай