Ауа райы
Астана -9 °С
Алматы -1 °С
валюта бағамы
USD 385.55
EUR 426.57
RUB 6.05
CNY 54.77

Алматыда арнайы операция кезінде қылмыстық топтан граната, тапанша, пышақ тәркіленді

2019 жылдың 17 шілде 2019 13:10

АЛМАТЫ. ҚазАқпарат – Алматы полициясы қылмыстық топты қолға түсірді, деп хабарлайды ҚазАқпарат тілшісі.

Қалалық полиция департаментінің хабарлауынша, сотқа дейінгі тергеу барысында Алматы аумағында қаруды заңсыз сақтаумен және тасымалдаумен айналысатын топ анықталды.

«Соған орай жүргізілген арнайы операция барысында 4 адамнан тапанша, граната, пышақ тәркіленді. 32-35 жас аралығындағы күдіктілер бұрын да қыз зорлап, алаяқтық, жалған құжат жасап, адам өлтіріп, қарақшылық тонау жасағаны үшін істі болған екен. Бұл азаматтарға қатысты тергеу соты тінту туралы санкция шығарды. Тінту нәтижесінде заңсыз айналымнан «РГД-5», тапанша, 4 оқ пен пышақ тәркіленді. Тәркіленген заттар бойынша баллистикалық және дактилоскопиялық сараптамалар тағайындалды», - деді полициядан.

Қазір күдіктілер уақытша оқшаулау орнында отыр. Полиция олардың басқа да қылмыстарға қатысы бар-жоғын тексеріп жатыр.

Алматы қалалық полиция департаменті ҚР ҚК 287-бабының 3-бөлімі бойынша қылмыстық іс қозғады.

Жоғары қарай