Ауа райы
Астана -4 °С
Алматы 0 °С
валюта бағамы
USD 389.75
EUR 434.26
RUB 6.12
CNY 55.05

Алматыда ер адамнан 500 данадан астам «экстази» тәркіленді

2019 жылдың 5 қыркүйек 2019 16:50

АЛМАТЫ. ҚазАқпарат - Алматыда контрабандалық жолмен Еуропадан ірі көлемде есірткі заттарын өткізбек болған ер адам ұсталды, деп хабарлайды ҚазАқпарат.

«26 тамыз күні Алматы қаласында жедел-іздестіру іс-шаралары кезінде ҚР азаматы ұсталды. Оған Еуропадан пошта арқылы есірткі заттары жеткізілген. Тексеру кезінде 500-ден астам дана «экстази» дәрілері, яғни психотроптық заттар табылды. Контрабандалық жолмен жеткізілген есірткі заттары тәркіленді», - делінген ҚР Қаржы министрлігі ҚМК экономикалық тергеу қызметінің хабарламасында.

Қазіргі уақытта Тергеу департаменті ҚР ҚК-нің 286-бабының 4-бөлігіне сәйкес (тәркіленген заттарды немесе таралымы шектеулі заттарды контрабанда) күдікті сот қаулысымен екі айға қамауға алынды.

Оған мүлкін тәркілеу және 15 жылдан 20 жылға дейін бас бостандығынан айыру жазасы кесілуі мүмкін.


Жоғары қарай