Ауа райы
Астана -3 °С
Алматы -3 °С
валюта бағамы
USD 388.07
EUR 427.54
RUB 6.08
CNY 55.36

Алматыда Құрманғазының шығармашылығына арналған күй кеші өтеді

2019 жылдың 3 қазан 2019 09:50

АЛМАТЫ. ҚазАқпарат - 4 қазан күні сағат 19:00-де Алматыда Құрманғазы атындағы Қазақ мемлекеттік академиялық халық аспаптары оркестрінің концерт залында қазақтың ұлы композиторы, күй атасы Құрманғазы Сағырбайұлының шығармашылығына арналған «Баба мұрасы» атты күй кеші өтеді.

Бұл туралы Мәдениет және спорт министрлігі Facebook парақшасында жариялады.

«Қазақ ұлтының бай мұрасын «Адай», «Балбырауын», «Сарыарқа» және тағы басқа мазмұнды, әсерлі, терең мағыналы философиялық күйлермен толықтырған Құрманғазы Сағырбайұлының есімін білмейтін жан жоқ. Халық «Күй атасы» деп атап кеткен ұлы күйшінің мұралары әлемдік музыка өнерінде қазақ сазының құдіретін таныта білді. Екі шекті аспаптан әуенге бай, рухты шығармалар тудырған Құрманғазыны тірі кезінде көрген қазақтарды былай қойғанда, өзге жұрттың озық ойлы өкілдері де ұлы композитордың талантына тәнті болған»,-делінген хабарламада.

Аталған кешке Шәміл Әбілтаев, Ермек Қазиев, Батыржан Мықтыбаев, Абылғазы Ахмадиев, Едіге Набиев, Армат Исламғалиев, Шыңғыс Құрманқұлов сынды және т.б. өнер майталмандары қатысады.

Басты сөздер: Алматы, Мәдениет, Өнер,
Жоғары қарай