Ауа райы
Астана 17 °С
Алматы 15 °С
валюта бағамы
USD 387.34
EUR 428.44
RUB 6.04
CNY 54.58

Алматыда өзін полиция қызметкері ретінде таныстырып, шетелдіктерді алдаған алаяқ ұсталды

2019 жылдың 19 тамыз 2019 09:25

АЛМАТЫ. ҚазАқпарат- Алматыда шетелдіктерді алдап жүрген ер адам ұсталды. Ол өзін ішкі істер органдарының қызметкерімін деп таныстырған, деп хабарлайды ҚазАқпарат тілшісі.

Наурызбай ауданының полиция бөлімінің мәліметінше, 1985 жылы туған И. өзін құқық қорғау органдарының қызметкерімін деп таныстырған.

«Ер өзін адам құқық қорғау органдарының қызметкері ретінде таныстырып, азаматтардың сеніміне кіру арқылы алдаған. Атап айтқанда, адамдары көші-қон саласындағы мәселелерді шешуге, Қазақстанда тұруға рұқсат алып беруге көмектесетініне сендірген. Әр қызметі үшін алаяқ шетелдіктерден 250 мың теңге көлемінде ақша алып келген. Ол уәделері сенімді болу үшін жәбірленушілермен кездесуге барғанда, тәртіп сақшысының формасын киіп алған. Қазір уақытта И. ұсталды. Тергеу барысында оның құқық қорғау органдарымен ешқандай байланысы жоқ екендігі анықталды. Ұсталған азаматтың заңсыз әрекеттерінен бірнеше адам, соның ішінде шетелдіктер зардап шеккен. Осыған байланысты тергеу бөлімі оның суретін жариялады. Егер танып жатсаңыздар мына телефондарға хабарласу қажет: 254-44-61 және 254-44-62; 254-44-64», - Наурызбай ауданы полиция басқармасы бастығының орынбасары Зухраб Мырзағали.

Бүгінде ҚРҚК 190-бабы бойынша сотқа дейінгі тергеу жүріп жатыр. Күдікті уақытша ұстау изоляторына қамалды.

Басты сөздер: Алматы, Қылмыспен күрес,
Жоғары қарай