Ауа райы
Астана 0 °С
Алматы 8 °С
валюта бағамы
USD 388.81
EUR 429.01
RUB 6.08
CNY 55.49

Алматының медицина ұйымдарына 85 млрд теңге төленді

2019 жылдың 22 қазан 2019 08:56

АЛМАТЫ. ҚазАқпарат - Жыл басынан бері мемлекеттік тапсырыс шеңберінде алматылықтарға тегін қызмет көрсеткен медицина ұйымдарына 84,9 млрд теңге төленді, деп хабарлайды ҚазАқпарат тілшісі «Әлеуметтік медициналық сақтандыру қоры» КЕАҚ Алматы филиалына сілтеме жасап.

КЕАҚ хабарлауыншы, аталған қаражат мемлекеттік тапсырыс бойынша тегін медициналық көмек үшін төленіп отыр. Сақтандыру пакеті шеңберінде қызмет көрсету 2020 жылы басталады.

Естеріңізге сала кетсек, медициналық сақтандыру қоры 2018 жылдан бері мемлекеттік бюджеттен қаржыландырылатын кепілдендірілген тегін көмек пакетінің операторы болып табылады. Келесі жылдан бастап Қор міндетті әлеуметтік медициналық сақтандыру шеңберінде көрсетілетін қызметтердің ақысын төлей бастайды.

Жалпы, Алматы қаласында 177 медицина ұйымы Медициналық сақтандыру қорымен мемлекеттік тапсырысты орындау жөнінде келісімшарт бекіткен. Оның басым бөлігі – жеке меншік клиникалар. 2019 жылға бекітілген келісімшарттың жалпы сомасы 116,8 млрд теңгені құрады.

Жоғары қарай