Ауа райы
Астана 2 °С
Алматы 6 °С
валюта бағамы
USD 389.81
EUR 430.27
RUB 6.06
CNY 54.91

Аралда тұратын ғасыр жасаған әженің 33 немересі, 66 шөбересі бар

2019 жылдың 9 наурыз 2019 12:29

АРАЛ. ҚазАқпарат - Арал ауданының әкімі Мұхтар Оразбаев және аудандық мәслихат хатшысы Дәуренбек Мәдинов Аралқұм ауылдық округінің тұрғыны 103 жастағы Тәжігүл әженің шаңырағында болды, деп хабарлайды ҚазАқпарат аудан әкімдігінің баспасөз қызметіне сілтеме жасап.

Ғасыр жасаған әжей еңбекке ерте араласқан. Тылда тер төгіп, одан кейін Райым колхозында зейнет жасына жеткенше балық шаруашылығы саласында ұзақ жылдар бойы жұмыс істеген. 9 баланы өмірге әкелген алтын құрсақты кейуананың бүгінде 33 немересі, 66 шөбересі, 3 шөпшегі бар.

Аудан басшысы Тәжігүл әжейді Халықаралық әйелдер күні мерекесімен құттықтап, иығына ақ жаулық жауып, арнайы құттықтау мен сый-сияпат табыс етті. Сонымен қатар, әулетінің ақылшысы, береке-бірлігінің ұйытқысы болып отырған әжейге зор денсаулық пен амандық тіледі.

Өз кезегінде батыр ана мерекемен құттықтай келген ел азаматтарына ақ батасын беріп, елге жасап жатқан қызметтеріне сәттілік тіледі.




null

Жоғары қарай