Ауа райы
Астана -3 °С
Алматы 0 °С
валюта бағамы
USD 389.75
EUR 434.26
RUB 6.12
CNY 55.05

Арысты қалпына келтіру жұмыстары 99 пайызға аяқталды - министр

2019 жылдың 12 қыркүйек 2019 21:44

НҰР-СҰЛТАН. ҚазАқпарат – Ақпарат және қоғамдық даму министрі Дәурен Абаев Арысты қалпына келтіру жұмыстары 99 пайызға аяқталғанын мәлім етті, деп хабарлайды ҚазАқпарат тілшісі.

«Арысты қалпына келтіру жұмысы 99 пайызға аяқталды. Орасан зор еңбек атқарылды. Арысты қалпына келтіру жұмысын үлкен әрі теңдессіз ерлікке теңер едім. Бар-жоғы үш айдың ішінде қала толығымен қалпына келтірілді. Елбасы мен Президент жұмысты жедел әрі сапалы түрде жүргізуді тапсырды. Премьер-Министр қалпына келтіріліп жатқан орындарды алты немесе жеті рет келіп аралап кетті, құрылыс барысын бақылап, тұрғындармен кездесті. Бизнесмендер өз қаржысымен тұтас нысандарды көтерді. Елдің түкпір-түкпірінен келген волонтерлар құрылыс нысандарында еңбек етті. Әскерилер, құтқарушылар, жергілікті тұрғындар – ешкім шетте қалған жоқ. Қала бұрынғыдан да көркейе түсті. Бұның бәрі де түсіністік болса, кез келген қиындықты еңсеруге болатынын көрсетеді», - деді Дәурен Абаев «Хабар» арнасындағы «Ашық диалог» бағдарламасында.

Еске сала кетсек, Арыс қаласындағы әскери бөлімнің қоймасында 24 маусым күні таңертең жарылыс болды. Кейін зардап шеккендерге көмек қолын созу мақсатында елімізде «Арыс, біз біргеміз» акциясы басталды.


Жоғары қарай