Ауа райы
Нұр-Сұлтан 8 °С
Алматы 18 °С
валюта бағамы
USD 378.90
EUR 422.74
RUB 5.87
CNY 54.80

«Астана» клубы қатарына футболшы қыздарды тартуда

2019 жылдың 20 қаңтар 2019 05:54 676

АСТАНА. ҚазАқпарат - 2019 жылдан бастап «Астана» футбол орталығында қыздар тобы жасақталуда, деп хабарлайды ҚазАқпарат «Астана» ФК сайтына сілтеме жасап.

«Қыздардан топ жасақтау Қазақстан футбол федерациясының «Алға, Qazaqstan! Алға, футбол!»  даму стратегиясы жобасы аясында жүзеге асып отыр.  2019 жылдан бастап сертификаттау ережесіне сәйкес отандық клубтардың футбол орталықтарында қыздар тобы құрылатын болады. Бұл шешім еліміздегі әйелдер футболын дамыту және кеңінен насихаттау аясында енгізілді», - делінген хабарламада.

Дәл қазіргі уақытта топта 2006-2007 жылы туған қыздар дайындалуда. Команданы кәсіби түрде футболмен айналысқан, өз кезегінде Қазақстан жастар құрамасына шақырту алған тәжірибелі маман Махаббат Досжанова жаттықтыруда.

Елорда футбол орталығында дайындалғысы келетін қыздардың қатары күн сайын артып, жаңа спортшылар іріктелуде. Болашақта олар республикалық жарыстарда «Астана» командасының намысын қорғайтын болады.

Басты сөздер: Спорт, Нұр-Сұлтан,
Жоғары қарай