Ауа райы
Нұр-Сұлтан 18 °С
Алматы 32 °С
валюта бағамы
USD 378.65
EUR 430.07
RUB 6.00
CNY 55.10

Астанада өртке оранған тұрғын үйден 25 адам құтқарылды

2019 жылдың 10 наурыз 2019 13:30 1175

АСТАНА. ҚазАқпарат - Астанадағы тұрғын үй кешендерінің бірінде өрт шығып, 25 адам, соның ішінде төрт бала құтқарылды, деп хабарлайды ҚазАқпарат қалалық ТЖД баспасөз қызметіне сілтеме жасап.

Бүгін күндізгі 11:16-да Орталық өрт сөндіру байланыс пунктіне Құбайдербіұлы көшесі, 31/1 үйден өрт тұтанғаны туралы хабар келген. Жеті минутта оқиға орнына жеткен өрт сөндірушілер тоғыз қабатты тұрғын үйдің 2-қабатындағы пәтерлердің бірінде жатын бөлмедегі жиһаз және тұрмыстық бұйымдар өртеніп жатқанын анықтайды.

Жалын 20 шаршы метр ауданды шарпыған.

Қою түтін адамдарға қауіп төндіргендіктен, құтқарушылар үй тұрғындарын эвакуациялауға шешім қабылдайды. Өрт сөндірушілер автобаспалдақ арқылы 25 адамды, соның ішінде 4 баланы құтқарып, 50 адамды, соның ішінде 12 баланы эвакуациялаған.

Өрт 11:33-те толықтай сөндірілді.

Қазір апат себептері тексеріліп жатыр. Өртті сөндіруге жеке құрамның 25 қызметкері және 7 техника жұмылдырылған.



null

null 

 

Жоғары қарай