Ауа райы
Астана 1 °С
Алматы 0 °С
валюта бағамы
USD 388.81
EUR 429.01
RUB 6.08
CNY 55.49

Атырауда «Алтын тұлпар» аламан бәйгесіне 42 млн теңге тігілді

2019 жылдың 14 қазан 2019 17:06

АТЫРАУ. ҚазАқпарат – Атырауда өткен «Алтын тұлпар – Жайық жағасында» республикалық жарысына 42 млн теңге тігілді, деп хабарлайды ҚазАқпарат тілшісі.

Жарысқа Қазақстанның 12 өңірінен келген 40 сәйгүлік қатысты. Бәйгеде 7, 12, 25 және 51 шақырымға жарыс болды.

Бәйгеде топ жарған Қызылорданың ағылшын-араб тұқымды тұлпары Қоянқасқа болды. Бас жүлдеге тігілген 10 миллион теңгені шабандоз Ғалымнұр Ноғайбек, баптаушысы Қуат Әбсаламов және тұлпардың иесі Бердібек Мыханов бөлісіп алды.

«Бұған дейін төрт мәрте «Алтын тұлпар» бәйгесінде қазақстандық тұқымның сәйгүліктері жүлдені ешкімге бермеп еді. Бұл жолы «шетелдік» сәйгүлік топ жарды. Спортшыларды жеңіспен құттықтаймыз!», - дейді ҚР Ұлттық спорт түрлері қауымдастығының хатшысы Нұрсұлтан Ибрагимов.

Жалпы, бәйгеге 42 миллион теңге жүлде тігілді.

Авторы: А. Соколов
















Басты сөздер: Спорт, Атырау облысы,
Жоғары қарай