Ауа райы
Нұр-Сұлтан 17 °С
Алматы 25 °С
валюта бағамы
USD 384.05
EUR 432.79
RUB 5.96
CNY 55.46

Атырауда «Елордамыз - Нұр-Сұлтан» атты мерекелік концерт өтті

2019 жылдың 25 наурыз 2019 18:12 847

АТЫРАУ. ҚазАқпарат - Атыраудағы Х. Досмұхамедов атындағы Атырау мемлекеттік университетінде Астана қаласының Нұр-Сұлтан болып өзгеруін қолдауға ниет білдірген үш мыңға жуық адам жиналды, деп хабарлайды ҚазАқпарат.

«Елордамыз - Нұр-Сұлтан» мерекелік концертінде жұртшылық Қазақстанның Тұңғыш Президенті - Елбасының мемлекет құрудағы рөлі туралы пікірлерін білдірді.

«Ұлт көшбасшысы Қазақстанда ғана емес, әлемдік деңгейде беделді мемлекет қайраткері ретінде тарихқа енді», - дейді мерекелік концертке қатысқандар.


null 

«Халық тарихи маңызы бар бұл оқиғаға оң көзқарас білдіруде. Астана атын Елбасы құрметіне ауыстыру - тарихи әділеттілік. Нұрсұлтан Әбішұлы өз абыройы арқылы Ұлы Дала елін әлемдегі табысты дамып келе жатқан мемлекеттер қатарына қосты. Оның саяси, әлеуметтік-экономикалық салаларда атқарған қызметі мен жетістіктері халықтың болашағына арналды», - деп атап өтті Nur Otan партиясы Атырау облыстық филиалы төрағасының бірінші орынбасары Нұрлыбек Ожаев.

Атыраулық жастар тәуелсіз еліміздің астанасын Нұр-Сұлтан деп атау туралы идеяны қуаттайды. Бірлік пен келісімнің символына айналған Қазақстан астанасы Елбасы есімімен тығыз байланысты.


null  

«Елімізде болып жатқан тарихи оқиғалар жастарды сырт айналып өтпейді. Қазақстанның Тұңғыш Президентінің есімі астанаға берілуге әбден лайықты. Мемлекетіміздің барлық табыстары Тұңғыш Президенттің есімімен байланысты. Оның бастамасымен әлем картасында Қазақстанның жаңа астанасы пайда болды. Елордаға Нұр-Сұлтан есімінің берілуі - халықтың махаббаты мен алғысы», - дейді Каспий өңірі қазіргі заманғы колледжінің 3 курс студенті Айнұр Зинетуллина.



null 

null 

 

 

Жоғары қарай