Ауа райы
Астана 22 °С
Алматы 15 °С
валюта бағамы
USD 414.13
EUR 451.40
RUB 5.80
CNY 58.03

Атырауда полицейге пара берген жүргізушіге айыппұл салынды

2020 жылдың 23 мамыр 2020 14:57

АТЫРАУ. ҚазАқпарат - Атырауда полицейге пара бермек болған қызылордалық жүргізушіге айыппұл салынды, деп хабарлайды ҚазАқпарат.

Облыстық полиция департаменті баспасөз қызметінің хабарлауынша, Қызылорда облысының тұрғыны көлігімен Ақтау қаласына баруға жолға шыққан. Ол атыраулық полицейдің WhatsApp желісіндегі нөміріне Ақтаудағы туысы туралы анықтама жіберген.

«Атырау облысындағы блокпосттан өтер кезде полиция қызметкеріне пара беруге тырысқан. Жүргізуші ұялы қолданба арқылы полицейдің жеке шотына 15 мың теңге аударған. Мұны біліп қалған полиция қызметкері жүргізушінің ақшасын кері қайтарып, бұл туралы басшылыққа мәлім етті», - деп хабарлады полиция департаментінің баспасөз қызметі.

Бұл іс №2 Атырау қалалық сотында қаралған. Сот үкімімен жүргізушіге 112 500 теңге айыппұл салынған.


Жоғары қарай