Ауа райы
Астана 26 °С
Алматы 32 °С
валюта бағамы
USD 384.87
EUR 432.52
RUB 6.11
CNY 55.95

Атыраудағы химия зауытында тұтанған өрт сөндірілді

2019 жылдың 23 мамыр 2019 20:10 727

АТЫРАУ. ҚазАқпарат - Атыраудағы жұмыс істемейтін химия зауытында тұтанған өрт толықтай сөндірілді, деп хабарлайды ҚазАқпарат тілшісі.

Өрт бүгін күндізгі 11 шамасында тұтанған болатын.

«50 мың текше метр сұйықтық сыятын резервуар өртенді. Онда мазуттың қалдықтары бар еді. Резервуардың жылытқышпен қапталып, оқшаулағышпен жабылғаны жалынды тұншықтыруға кедергі жасады. Өртті сөндіруге 38 адам және 10 техника жұмылдырылды», - деп мәлімдеді Атырау облыстық өрт сөндіру қызметінің бастығы Әбділқапар Жұманов.

Айта кетейік, бір кездері полипропилен шығарған кәсіпорынның жұмысы қазір тоқтап қалған. Бірақ оның аумағында бірнеше мұнай-химия зауыты, оттегі өндіретін цех бар. Химиялық комбинаттың аумағы Атырау ЖЭО мен зауыттың тікелей маңында орналасқан.

Автор: А. Соколов

 

 

Жоғары қарай