Ауа райы
Астана -20 °С
Алматы -9 °С
валюта бағамы
USD 386.44
EUR 428.37
RUB 6.06
CNY 54.93

Батыр Жүкембаев қарсыласын нокаутпен жеңді

2019 жылдың 18 мамыр 2019 09:21

НҰР-СҰЛТАН. ҚазАқпарат - Қазақстандық боксшы Батыр Жүкембаев мексикалық Луис Хесус Видалеспен (13-6, 6КО) жекпе-жегін өткізіп, жеңісе жетті, деп хабарлайды Sports.kz.

Жартылай орта салмақтағы 10 раундтық жекпе-жек Канаданың Монреаль қаласындағы Montreal Casino ойын-сауық кешенінде өтті. Кездесудің бірінші раундында Батыр Жүкембаев қарсыласы Луис Хесус Видалесті техникалық нокаутқа түсіріп, кезекті жеңісіне қол жеткізді.

«Котто» лақап атымен белгілі мексикалық Луис Хесус Видалес 30 жаста. Ол 2011 жылдан бері кәсіпқой бокста. Бір кездесуден басқасының бәрін Мексикада өткізген.

Жүкембаев соңғы айқасын дәл осы Монреаль қаласында өткізіп, мексикалық Хильберто Месаны (10-5-1, 6 КО) төрешілердің бірауызды шешімімен жеңген еді.

Басты сөздер: Бокс, Спорт,
Жоғары қарай