Ауа райы
Астана -4 °С
Алматы -2 °С
валюта бағамы
USD 384.97
EUR 427.12
RUB 6.04
CNY 54.75

Батыс Қазақстанда айналым ережесін бұзғаны үшін 156 қару тәркіленді

2019 жылдың 17 шілде 2019 09:15

ОРАЛ. ҚазАқпарат – Батыс Қазақстан облысында айналым ережесін бұзғаны үшін 156 қару тәркіленді, деп хабарлайды ҚазАқпарат тілшісі.

БҚО полиция департаментінің баспасөз қызметінен түскен мәліметке қарағанда, 10-14 шілде аралығында облыс аумағында «Қару» республикалық жедел алдын алу шарасы өткізілген.

Шара кезінде бұрын ішкі істер органында тіркелмеген тегіс ұңғылы 4 мылтық пен бір оқ-дәрінің заңсыз сақталғаны анықталды.

Қаруды сақтау, алып жүру, тасымалдау және қайта тіркеу ережесін бұзғаны үшін 139 адам әкімшілік жауапкершілікке тартылды.

Бұрын тіркелгенімен, айналым ережесін бұзғаны үшін 156 қару тәркіленді.

Жоғары қарай