Ауа райы
Астана -3 °С
Алматы 6 °С
валюта бағамы
USD 388.07
EUR 427.54
RUB 6.08
CNY 55.36

Биыл Қазалыда «Әлсейіт» көпірінің құрылысы аяқталады

2019 жылдың 2 ақпан 2019 04:13

ҚАЗАЛЫ. ҚазАқпарат - Биыл Қазалыда «Әлсейіт» көпірінің құрылысы аяқталады, деп хабарлайды ҚазАқпарат тілшісі.

Қазалы ауданының әкімі Мұрат Ергешбаевтың айтуынша, Сырдария өзенінің үстінен салынып жатқан «Әлсейіт» көпірінің құрылысы аяқталады.

«Көпір құрылысына 2017-2018 жылдарға 1 млрд 565 млн теңге бөлініп, тиісті жұмыстар жасалды. 2019 жылға көпір құрылысына 1 млрд 127 млн теңге қаржы берілді. Биыл ел болып көптен күткен көпірдің игілігін көреміз деп отырмыз. Ал, «Қарлан» учаскесіне көпір салу облыс әкімінің қолдауымен САРАТС-2 жобасына енгізілді. Өткен жылы облыстық бюджеттен 20 млн. теңге бөлініп, көпірдің техникалық экономикалық негіздемесі алынды. Бүгінгі күні жоба-сметалық құжаттары әзірленуде», - дейді аудан басшысы.

Оның айтуынша, өткен жылы Қожабақы-Бекарыстан би аралығындағы «Аяған» көпірін жөндеу жұмыстары басталды. Биыл жұмысты жалғастыруға 76 млн теңге қаржы қаралған.

Жоғары қарай