Ауа райы
Астана -24 °С
Алматы 0 °С
валюта бағамы
USD 387.16
EUR 428.47
RUB 6.08
CNY 55.13

БҚО-да бес адамның қызылшамен ауырғаны белгілі болды

2019 жылдың 11 наурыз 2019 16:33

ОРАЛ. ҚазАқпарат - Батыс Қазақстан облысында қызылшамен ауырған бес адам тіркелді, соның біреуі - 14 жасқа дейінгі бала, деп хабарлайды ҚазАқпарат тілшісі.

Облыстық қоғамдық денсаулық сақтау департаментінің бөлім басшысы Валентина Кенжеғалиеваның айтуынша, Бәйтерек ауданында - 1, Сырымда - 2 және Орал қаласында тағы екі адамның ауырғаны белгілі болды.

Олардың біреуі - мектеп оқушысы, 1 медицина қызметкері мен 1 қызметші, екеуі жұмыссыз.

Күн сайын қызылша ауруына қатысты мониторинг жүргізілуде.

Қызылшамен ауырғандармен байланыста болған 418 адамға медициналық бақылау орнатылды. Эпидемиологиялық көрсеткіштер бойынша 39 адам егілді.

Елімізде осы ауру түрінің көбеюіне байланысты 33 баланың ата-анасы екпеге деген көзқарасын өзгертіп, вакцина салдыруға келісті.

Еске сала кетейік, бұдан бір ай бұрын Оралда әйелдің қызылшамен ауырғанын жазған болатынбыз.

Ауру адам арқылы жұғады. Қызылшадан қорғанудың жалғыз тиімді жолы - вакцинация. Қазақстанда қызылшаға қарсы егу екі рет жүргізіледі: біріншісі 1 жаста және екіншісі 6 жаста..

Жоғары қарай