Ауа райы
Астана -9 °С
Алматы 0 °С
валюта бағамы
USD 388.70
EUR 428.70
RUB 6.08
CNY 55.46

Бокстан әлем чемпионаты: Милана Сафронова ширек финалға шықты

2019 жылдың 7 қазан 2019 19:22

НҰР-СҰЛТАН. ҚазАқпарат - Ресейдің Улан-Удэ қаласында өтіп жатқан бокстан қыздар арасындағы әлем чемпионатында бүгін қазақстандық Милана Сафронова ширек финалға жолдама алды, деп хабарлайды ҚазАқпарат тілшісі.

Милана Сафронова 64 келіде шаршы алаңға Ботсванадан келген Аратва Касемангпен қолғап түйістірді. Жекпе-жек барысында қазақстандық боксшының басымдығы айқын аңғарылып тұрды. Нәтижесінде төрешілер бірауыздан оның жеңіске жеткеніне ұйғарым жасады.

Естеріңізге сала кетелік, әлем чемпионатына қазақстандық он боксшы барды . Олардың арасынан 3 қазанда Назым Қызайбай (51 келі) жапон спортшысы Намики Тсукимиден, Алуа Балқыбекова (48 келі) өзбекстандық Гүласал Султоналиевадан жеңіліп қалған еді.

Алғашқы жекпе-жектерінде Айжан Қожабекова (57 келі), Римма Волосенко (60 келі), Дариға Шәкімова (69 келі), Ақерке Бақытжан (75 келі), Фариза Шолтай (81 келі) қарсыластарынан басым түсті.

Фото: www.kfb.kz

Автор Әділжан Үмбет
Басты сөздер: Ресей, Бокс,
Жоғары қарай