Ауа райы
Астана -5 °С
Алматы -2 °С
валюта бағамы
USD 384.97
EUR 427.12
RUB 6.04
CNY 54.75

Болат Бақауов: Дүкен сөрелеріндегі импорттың үлес салмағын азайту керек

2019 жылдың 16 шілде 2019 22:33

ПАВЛОДАР. ҚазАқпарат – Өңір басшысы Болат Бақауов «Қарапайым заттар экономикасы» бағдарламасын жүзеге асырылу бағыттарын айқындап берді, деп хабарлайды pavlodarnews.kz.

Облыстық мәслихаттың кеңейтілген отырысында қала мен аудан әкімдері, мемлекеттік органдар басшылары мен депутаттар алдында сөйлеген Болат Бақауов «Қарапайым заттар экономикасы» бағдарламасының отандық өндірушілер мен кәсіпкерлер үшін үлкен қолдау болғанын айтты.

«Аталған бағдарлама енді ғана өз күшіне еніп келеді», - дейді Болат Бақауов. «Осы орайда қала мен аудан әкімдеріне белсенділік таныту керек. «Қарапайым заттар экономикасы» бағдарламасын жүзеге асыру арқасында облыстағы дүкен сөрелеріндегі импорт үлесін азайтуымыз қажет. Сараптамалардың қорытындылары бойынша жеңіл өнеркәсіп саласындағы мемлекеттік сатып алулардың үлесі 9,2% болса, құрылыс материалдар көлемі 15,7% аспайды. 4500 жеткізушінің ішінде 1345-і ғана – жергілікті өндірушілер».

Осыған байланысты, өңір басшысы қала мен аудан әкімдері, облыстық басқармаларға «Қарапайым заттар экономикасына» қатысты заттарды сатып алу кезінде жергілікті қамтудың жыл сайынғы 20%-дық мақсатты индикаторын енгізуді тапсырды.

Жоғары қарай