Ауа райы
Астана 4 °С
Алматы 2 °С
валюта бағамы
USD 435.54
EUR 473.08
RUB 5.76
CNY 61.64

Екібастұздағы өрт кезінде екі адам қаза тапты

2020 жылдың 3 қаңтар 2020 11:17

ПАВЛОДАР. ҚазАқпарат – Екібастұзда болған өрттен анасы мен баласы мерт болды деген болжам бар, өрттің шығу себебі анықталып жатыр, деп хабарлайды ҚазАқпарат.

«Бірінші қаңтар күні сағат 20:49-да Арқалық көшесі, 21-үйдегі 4-пәтер өртеніп жатыр деген хабарлама түсті. Өрт сөндіру кезінде екі мәйіт табылды. Олар осы мекенжайда тұратын анасы мен баласы болуы мүмкін. Өрттің шығу себептері анықталып жатыр», - деді Павлодар облыстық төтенше жағдайлар департаментінің баспасөз қызметі.

Мекемедегілер өрт болып жатқан жерге 3 техника жіберілгенін мәлімдеді. Өрт 22:51-де толық ауыздықталған.

«Анасы 82 жаста, ұлы 1975 жылы дүниеге келген», - дейді аймақтық ТЖД.

Департаменттегілер 2020 жыл басталғалы бері Екібастұздан бөлек, Железин ауданында да өрт салдарынан адам шығыны болғанын айтты.

«Сонымен қатар, 1 қаңтар күні бірінші қалалық ауруханаға газдан уланып қалған азаматша жатқызылды. Улануға пешті пайдалану кезінде өрт қауіпсіздік ережелерін сақтамау себеп болған», - деп қорытындылады департаменттің баспасөз қызметі.


Жоғары қарай