Ауа райы
Астана -10 °С
Алматы 5 °С
валюта бағамы
USD 375.87
EUR 406.24
RUB 5.84
CNY 53.45

Елбасы «Қазақ тілі» қоғамының президенті Өмірзақ Айтбаевтың отбасына көңіл айтты

2020 жылдың 9 қаңтар 2020 19:16

НҰР-СҰЛТАН. ҚазАқпарат – ҚР Тұңғыш Президенті - Елбасы Нұрсұлтан Назарбаев Халықаралық «Қазақ тілі» қоғамының президенті Өмірзақ Айтбаевтың отбасына көңіл айту жеделхатын жолдады, деп хабарлайды ҚазАқпарат Елбасының баспасөз қызметіне сілтеме жасап.

Қазақстанның Тұңғыш Президенті көрнекті ғалым, академик Өмірзақ Айтбаевтың өмірден өтуіне байланысты ауыр қайғыға ортақтасып, көңіл айтты.

«Халықаралық Қазақ тілі қоғамының президенті қызметін атқарған ол мемлекеттік тілдің қолданыс аясын кеңейту бағытындағы талай игі істердің ұйытқысы болды. Азаматтық айқын ұстанымымен, қажырлы еңбегімен тіл және терминология, мәдениет пен руханият салаларының өсіп-өркендеуіне атсалысты. Ел-жұрттың құрметіне бөленіп, соңына көптеген ғылыми еңбектері мен лайықты шәкірттерін қалдырды.

Өмірзақ Айтбайұлының ғибратты ғұмыры мен жарқын бейнесі жұртшылық жадында әрдайым сақталады деп сенемін», - делінген жеделхатта.


Жоғары қарай