Ауа райы
Астана -18 °С
Алматы 0 °С
валюта бағамы
USD 388.49
EUR 427.26
RUB 6.06
CNY 55.32

Елорда мектептерінің бірінде газ баллонынан уланған 9 бала ауруханаға түсті

2019 жылдың 5 қыркүйек 2019 19:50

НҰР-СҰЛТАН. ҚазАқпарат – Елордалық №54 орта мектептің 9 оқушысы газдан уланып, ауруханаға түсті.

Бұл туралы ҚазАқпарат Нұр-Сұлтан қаласының қоғамдық денсаулық сақтау басқармасына сілтеме жасап хабарлайды.

«2019 жылдың 5 қыркүйегінде сағат 17:01-де «103» пультіне Иманбаева, 4 мекенжайында орналасқан №54 орта мектептен «Уландырғыш заттан зардап шегу» дерегі бойынша хабар келіп түсті. Мектеп директорының айтуынша, мектеп оқушыларына сынып ішінде газ баллоны шашылған Сағат 17:14-те жедел жәрдем қызметінің 3 бригадасы мектепке жетті», - делінген басқарма хабарламасында.

Оқиғадан 5-сыныпта оқитын 8 бала зардап шеккен. Жедел жәрдем оларды №2 қалалық ауруханаға жеткізген.

«Тексеруде 9 баланың жағдайы қанағаттанарлық деп бағаланды. Олардан жөтел, бас айналу, көзден жас ағу, әлсіздік белгілері байқалған. Барлық балалар маман тексеруінен өтіп, сараптамаға қан тапсырды. Қазіргі уақытта балалар №2 қалалық аурухананың қабылдау-диагностикалық бөлімінің жіті бақылауында», - деп хабарлады қалалық қоғамдық денсаулық сақтау басқармасы.


Жоғары қарай