Ауа райы
Астана -2 °С
Алматы 0 °С
валюта бағамы
USD 389.75
EUR 434.26
RUB 6.12
CNY 55.05

Елордада аудан әкімінің орынбасары 5 млн теңге пара алды деген күдікпен ұсталды

2019 жылдың 10 қыркүйек 2019 13:03

НҰР-СҰЛТАН. ҚазАқпарат – Қалалық сыбайлас жемқорлыққа қарсы іс-қимыл қызметі Нұр-Сұлтан қаласы Алматы ауданы әкімінің орынбасарына қатысты сотқа дейінгі тергеу амалдарын жүргізуде, деп хабарлайды ҚазАқпарат тілшісі.

«Нұр-Сұлтан қаласы Алматы ауданы әкімінің орынбасары жеке компанияның директорынан 5 млн теңге пара алды деген күдікке ілінді. Ол ауданды жарықтандыруға қатысты мемлекеттік сатып алу туралы келісім бойынша орындалған жұмысқа қол қойылуы үшін қамқорлық жасамақ болған» делінген агенттік хабарламасында.

Сыбайлас жемқорлыққа қарсы іс-қимыл агенттігінің мәліметінше, аталмыш іс бойынша сотқа дейінгі тергеу амалдары жалғасып жатыр. Іске нүктені сот үкімі қояды.



Жоғары қарай