Ауа райы
Астана -1 °С
Алматы 1 °С
валюта бағамы
USD 389.75
EUR 434.26
RUB 6.12
CNY 55.05

Елордада келесі жылдан бастап қолжетімді баспана құрылысы 3 есеге артады

2019 жылдың 3 қыркүйек 2019 19:54

НҰР-СҰЛТАН. ҚазАқпарат - Нұр-Сұлтанда қолжетімді баспана бойынша салынатын тұрғын үй құрылысының саны үш есеге өседі.

Бұл туралы бүгін қала әкімі Алтай Көлгінов Мемлекет басшысы Қасым-Жомарт Тоқаевтың Қазақстан халқына Жолдауын талқылауға арналған қалалық актив жиынында мәлім етті, деп хабарлайды елорда әкімдігінің ресми сайты.

«Елордада тұрғын үй кезегіне тұрушылардың саны жыл сайын артып келеді. Биыл жаз айының басында 46 мың астаналық үй кезегінде тұрса, қыркүйекте бұл көрсеткіш 47,5 мыңға жетіп отыр. Осыған қарай келесі жылдан бастап қолжетімді баспана бойынша салынатын тұрғын үйлердің көлемі 3 есеге артатын болады. Бүгінде дайындық жұмыстары басталды», - деді елорда әкімі Жолдауды талқылауға арналған жиын барысында.

Оның сөзінше, үй кезегінде тұрған аз қамтылған және көпбалалы отбасыларды баспанамен қамтамасыз ету күн тәртібіндегі маңызды мәселе.

«Біз бар салмақты бюджетке салғымыз келмейді. Сондықтан қолжетімді баспананы жеке инвестициялар есебінен жүзеге асыруды көздеп отырмыз. Жақында ғана тағы бір тұрғын үй салу комбинатының өз жұмысын бастағанын білесіздер. Қолжетімді баспанамен қамтудың басты сегменгті ретінде осы комбинатты қарастырып отырмыз», - деді Алтай Көлгінов.


Басты сөздер: Нұр-Сұлтан, Тұрғын үй, Құрылыс,
Жоғары қарай