Ауа райы
Астана -7 °С
Алматы -4 °С
валюта бағамы
USD 388.07
EUR 427.54
RUB 6.08
CNY 55.36

Елордадағы тұрғын үй алабы аумақтарында үш саябақ салынады

2019 жылдың 17 қазан 2019 17:10

НҰР-СҰЛТАН. ҚазАқпарат – Елордадағы «Өндіріс» және «Кирпичный» тұрғын үй алабы аумақтарында абаттандыру шаралары жүргізіледі.

Бұл туралы брифингте «Байқоңыр» ауданы әкімінің орынбасары Рамиль Досмағамбетов мәлім етті, деп хабарлайды ҚазАқпарат тілшісі.

«Алдағы жылы Қоршаған ортаны қорғау басқармасымен бірлесе тұрғын алабы аумақтарында үш саябақтың құрылысын жоспарладық. Бұл аумақтар концерттік бағдарламалар ұйымдастырылатын және тұрғындар демалатын қолайлы орынға айналмақ», - деді Р. Досмағамбетов.

Оның сөзіне қарағанда, саябақтың бірі «Өндіріс» тұрғын үй алабында, екінші учаске Тайбурыл көшесі бойында қамтылады.

«Сонымен қатар, «Кирпичный» тұрғын алабында жаңадан саябақ ашылмақ. Бұл нысандарға Қоршаған ортаны қорғау басқармасы тапсырыс беріп отыр. Аудан әкімдігі ретінде тұрғындар ұсыныстарын ескере отырып, қолайлы жағдай жасалуы үшін бұл мәселені тыңғылықты пысықтаймыз», - деді Р. Досмағамбетов.

Автор Руслан Ғаббасов
Басты сөздер: Құрылыс, Нұр-Сұлтан,
Жоғары қарай