Ауа райы
Астана -2 °С
Алматы 4 °С
валюта бағамы
USD 389.98
EUR 434.01
RUB 6.10
CNY 55.04

Еркін күрес шеберлері Токио олимпиадасына екінші жолдама жеңіп алды

2019 жылдың 19 қыркүйек 2019 17:06

НҰР-СҰЛТАН. ҚазАқпарат – Елордада күрес түрлерінен өтіп жатқан лицензиялық Әлем чемпионатында еркін күрестен Нұрислам Санаев Токио Олимпиадасына жолдама жеңіп алды, деп хабарлайды ҚазАқпарат тілшісі.

57 келіде ел намысын қорғаған Нұрислам Санаев ширек финалда колумбиялық Оскар Урбанодан айласын асырып, жартылай финалға өтті. Ол Урбано 10:6 есебімен жарыс жолынан тайдырды. Осылайша әлем чемпионатының жартылай финалына өтіп, оған қоса Токио Олимпиадасының жолдамасын жеңіп алды.

Нұрислам Санаев алғашқы белдесуінде молдовалық Анатолий Бурьянды 11:0 есебімен ұтса, 1/8 финалда германиялық Джастин Джуниор Лерді 7:0 есебімен жеңіп, ширек финалға шыққан еді.

Сондай-ақ, осыған дейін Дәулет Ниязбеков алдағы Олимпиада ойындарына жолдама ұтып алғанын хабарлаған болатынбыз .


Автор Күнсұлтан Отарбай
Басты сөздер: Спорт, Олимпиада,
Жоғары қарай