Ауа райы
Нұр-Сұлтан 22 °С
Алматы 29 °С
валюта бағамы
USD 384.05
EUR 432.79
RUB 5.96
CNY 55.46

Еуропа чемпионы Головкинмен жекпе-жекке шықпауы мүмкін

2019 жылдың 29 наурыз 2019 20:51 1046

НҰР-СҰЛТАН. ҚазАқпарат - Орта салмақтағы польшалық Еуропа чемпионы Камил Шереметтің маусымда қазақстандық Геннадий Головкинмен жекпе-жекке шығуы екіталай. Бұл туралы Bokser.org-ке берген сұхбатында промоутер Анджей Василевский айтты, деп хабарлайды Sports.kz. 

GGG-ге қарсы шайқастан бөлек, Шеремет WBC-ның «уақытша» әлем чемпионы Джермалл Чарлодан ұсыныс алған болатын. Алайда жаздың бірінші айында оның жаттықтырушысы Федор Ляпин бірінші ауыр салмақтағы Бүкіләлемдік бокс сериясының жартылай финалында Майрис Бриедиспен күресуге өзінің басқа шәкірті Кшиштоф Гловацкиді  дайындаумен айналысатын болғандықтан, поляк дәл қазіргі уақытта мұндай үлкен шақыртуларды қабылдауға дайын емес. Сол себепті  маусым айындағы Головкиннің негізгі қарсыласы америкалық Брэндон Адамс болмақ.

GGG командасы экс-чемпионның келесі жекпе-жегіне шығатын боксшылардың нақты есімдерін әзірге атаған жоқ. Жаттықтырушы Геннадий Абель Санчес соңғы сұхбаттарының бірінде бұл сұрақты аптаның соңында талқылауды жоспарлап отырғандарын айтып өтті. 

 

 

Басты сөздер: Геннадий Головкин, Бокс, Спорт,
Жоғары қарай