Ауа райы
Астана 20 °С
Алматы 17 °С
валюта бағамы
USD 414.13
EUR 451.40
RUB 5.80
CNY 58.03

Еуропада ет комбинаттары коронавирустың жаңа ошағына айналды

2020 жылдың 20 мамыр 2020 07:51

НҰР-СҰЛТАН. ҚазАқпарат – Еуропада ет өндірісінің ірі кәсіпорындары коронавирус инфекциясының жаңа ошағына айналды, деп хабарлайды ҚазАқпарат Euronews агенттігіне сілтеме жасап.

Францияның солтүстігіндеu3 Кот-д’Армор департаментінде Kermene қасапханасынан коронавирус жұқтырған 69 жаңа оқиға анықталды. Зауыттың 800 қызметкері кейін тестілеуден өтті. Луар департаментіндегі Tradival қасапханасының 54 жұмысшысы вирус жұқтырған. Жергілікті зауыт биліктің қауіпсіздік шараларын қолданғанына қарамастан, кәсірорынның техникалық жағы ескірген мәлімдеді.

Германияда Төменгі Саксония жерінде ет өңдеу комбинатының 92 қызметкері коронавирус жұқтырған. Солтүстік Рейн-Вестфалия жерінде зауытта 150-ден астам адамның вирус жұқтырғаны анықталды. Аталған кәсіпорындардың көптеген қызметкері — Румыния мен Болгариядан келген еңбек мигранттары.

«Ар-намыс пен әділдік үшін» қайырымдылық қауымдастығынан Питер Коссен Ленгерх қаласындағы мигранттарға көмектеседі.

«Адамдар кішкене пәтерлерде сығылысып тұрады. Нәрестелер мен мектеп жасындағы балалар бар, мұндай жағдайда не боларын елестету де қиын. Бұл пәтерлер көбінесе жұмыс берушінің меншігінде, сондықтан мигранттар келісімшарт аяқталғаннан кейін олар пәтерден шығарылады», - деді Питер Коссен.

Германия билігі бақылауды күшейтуге уәде берді және мердігерлер мен қосалқы мердігерлер арқылы қызметкерлерді жалдау үшін тыйым салынады немесе шектеу қойылады. Германияның Еңбек министрі Хубертус Хайль қазіргі ахуалды «ұйымдасқан жауапсыздық» деп атап, осы салада тәртіп орнатуға шақырды.

Басты сөздер: Әлем, Коронавирус, Еуропа,
Жоғары қарай