Ауа райы
Астана -17 °С
Алматы 1 °С
валюта бағамы
USD 383.95
EUR 429.26
RUB 6.16
CNY 55.02

Эво Моралес Мексиканың саяси баспана беру туралы ұсынысын қабылдады

2019 жылдың 12 қараша 2019 09:31

СУКРЕ. ҚазАқпарат - Эво Моралес Боливия президенті қызметінен отставкаға кететіні туралы мәлім еткеннен кейін келесі күні Мексиканың саяси баспана беру туралы ұсынысын қабылдады, деп хабарлайды ҚазАқпарат BBC News-қа сілтеме жасап.

Мексика сыртқы істер министрі Марсело Эбрард Моралестің Мексика үкіметі ұшағының бортына отырғанын растады.

Сондай-ақ, Боливия қарулы күштерінің басшысы әскерге Моралестің жақтастарымен қақтығысқа қатысып жатқан полицияны қолдауды бұйырды.

Мәліметке сәйкес, қақтығыс салдарынан 20 адам жарақат алған.

Боливия сенатының вице-президент Жанин Аньес жаңа сайлау өткенге дейін президент қызметін уақытша атқаратынын мәлімдеді.

Айта кетейік, жексенбі күні Моралес елден кету жоспары жоқ екенін атап өтті. «Менің қашуға ешқандай себебім жоқ. Боливия халқы ешкімді тонамағанымды білгенін қалаймын. Егер кім де кім бізді ұрлық жасады деп ойлайтын болса, өзіме келіп айтсын. Дәлелдер әкелсін», - деді ол.

Еске салайық, Боливия президенті Эво Моралес өткен айда өткен президенттік сайлау барысында «айтарлықтай заң бұзушылықтар» болғаны туралы жарияланғаннан кейін жексенбі күні отставкаға кетті.

Ол Twitter-де «Боливиядан кетіп жатқаны өте ауыр екенін, бірақ ол жаңа күш пен энергиямен қайта оралатынын» жазды.

Басты сөздер: Әлем,
Жоғары қарай