Ауа райы
Астана 19 °С
Алматы 18 °С
валюта бағамы
USD 399.67
EUR 452.95
RUB 5.82
CNY 56.36

Футзал: Қазақстандық қақпашы әлемнің үздігі атанды

2020 жылдың 27 наурыз 2020 01:32

НҰР-СҰЛТАН. ҚазАқпарат - Футзалдан Қазақстан құрамасы мен Алматының «Қайрат» командасының қақпашысы Игита (толық аты-жөні Леонардо де Мело Виейра Лейте) әлемнің үздік қақпашысы атанды, деп хабарлайды ҚазАқпарат тілшісі Қазақстан футбол федерациясына сілтеме жасап.

«Futsal Planet Awards» тұрақты түрде әлемдік футзалдағы үздіктерді анықтайды. Биыл бұл шараға барлығы 244 респондент қатысты. Қазақстандық қақпашы 693 балл жинады. Ол испандық «Барселона» қақпашысы Хуана Хосе Ангосто Эрнандес «Хуанхо» мен Португалияның «Спортинг» клубының бразилиялық қақпашысы Тиаго Мендеса Рочуды артта қалдырды.

Естеріңізге сала кетелік, қазақстандық футзалшы бұл атаққа төртінше мәрте қол жеткізіп отыр. Ол бұған дейін 2015, 2016 және 2018 жылдары сондай сенімге ие болды.

Ал футзалдан Қазақстан құрамасы мен Алматының «Қайрат» командасының бас бапкері Кака (Пауло Рикардо Фигуэра Силва) әріптестері арасында үздік үштікке ілікті.

Автор Әділжан Үмбет
Басты сөздер: Спорт,
Жоғары қарай