Ауа райы
Астана -8 °С
Алматы 5 °С
валюта бағамы
USD 385.76
EUR 427.89
RUB 6.04
CNY 54.79

Головкиннің жаңа бапкері оның бокстан қашан кететіндігіне қатысты айтты

2019 жылдың 9 мамыр 2019 19:26

НҰР-СҰЛТАН. ҚазАқпарат - Геннадий Головкиннің бапкері Джонатон Бэнкс қазақстандық боксшының келешегіне қатысты бірқатар болжамдарға нүкте қойды, деп хабарлайды ҚазАқпарат Sports.kz сайтына сілтеме жасап.

«Головкин орта салмақ санатында қалады. Одан жоғарылаудың қажеті жоқ - ол нағыз орта салмақ боксшысы. Оған қазіргі орнында жайлы», - деді ол.

Ал GGG-дің кәсіпқой бокста қанша уақыты қалғаны туралы сұраққа: «Көзіммен көргенім бойынша айтар болса, әлі айтарлықтай көп уақыт бар. Қазір ол нағыз бабында», - деп жауап қайырды.

Қазақстандық спортшы бұрынғы бапкері мексикалық Абель Санчеспен жұмысын тоқтатқаны туралы бұған дейін хабарлаған болатынбыз.

Орта салмақтағы бұрынғы әлем чемпионы Геннадий Головкин (38-1-1, 34 КО) алдағы 8 маусымда Нью-Йорктегі (АҚШ) Madison Square Garden аренасында 35 жастағы канадалық боксшы Стив Роллспен (19-0, 10 КО) кездеседі. Ол соңғы жекпе-жегін 2018 жылдың 15 қыркүйегінде өткізіп, төрешілердің басым шешімімен мексикалық Сауль Альварестен (51-1-2, 34 КО) жеңіліп қалды.

Роллс соңғы рет 15 желтоқсанда рингке шығып, төрешілердің шешімімен америкалық Кеандр Лезервудты (21-6-1, 13 КО) жеңген еді. Ол осы уақытқа дейін бірде-бір рет жеңілмеген. 19 жекпе-жекті 10 рет нокаутпен аяқтаған.

Жоғары қарай