Ауа райы
Астана 4 °С
Алматы 2 °С
валюта бағамы
USD 435.54
EUR 473.08
RUB 5.76
CNY 61.64

Ирактағы ракета шабуылынан кейін мұнай бағасы қымбаттады

2020 жылдың 3 қаңтар 2020 14:02

НҰР-СҰЛТАН. ҚазАқпарат - АҚШ президенті Дональд Трамптың тапсырмасымен Бағдат әуежайына жасалған ракета шабуылынан кейін мұнай бағасы қымбаттады, деп хабарлайды ҚазАқпарат CNN-ге сілтеме жасап.

Басылымның хабарлауынша, Brent маркалы мұнай фьючерсі 2,9 пайызға көтеріліп, бір баррелі 68,16 долларға жетті.

Америкалық мұнай фьючерсі 2,8 пайызға өсіп, баррелі $62,86 болды.

Сарапшылардың айтуынша, мұнай бір айда бір жылдық өсімге жеткендіктен, мұнай бағасы әлі де өсуі мүмкін.

«Сарапшылар бұл жағдай өңірдегі шиеленісті арттырып, мұнайдың әлемдік өндірісіне әсер етуі мүмкін екенін айтуда», деп жазады басылым.

Автордың айтуынша, мұнай бағасының өсімі қанша уақытқа созылатынын нақты болжау қиын. Мысалы, қыркүйек айында Сауд Арабиясындағы шабуылдан кейін мұнай 14 пайызға қымбаттаса да, бірнеше күннен кейін баға қайтадан төмен түскен еді.

Еске сала кетейік, біз бұған дейін Ирактағы халықаралық әуежайды ракетамен атқылап, 8 адам көз жұмғанын жазғанбыз.


Автор Айкүміс Болатбек
Басты сөздер: Әлем, Мұнай,
Жоғары қарай