Ауа райы
Астана -1 °С
Алматы 3 °С
валюта бағамы
USD 386.30
EUR 428.14
RUB 6.08
CNY 54.87

Италия Қазақстан экономикасына қанша инвестиция салды

2019 жылдың 13 қараша 2019 18:54

НҰР-СҰЛТАН. ҚазАқпарат - Қазақстан мен Италия арасындағы сауда-экономикалық байланыс мүмкіндігі жоғары. Бұл туралы Италия Сыртқы істер министрінің орынбасары Манлио Ди Стефано айтты, деп хабарлайды ҚазАқпарат тілшісі.

«Екі ел арасындағы экономикалық байланыс нығайып келеді. Бізде сауда-экономикалық және инвестициялық ынтымақтастықты кеңейтуде зор мүмкіндіктер бар»,- дейді Манлио Ди Стефано елордада өткен Қазақстан-Италия бизнес-форумында.

Оның айтуынша, бүгінде Италия Қазақстан экономикасына 6,6 миллиард АҚШ доллары көлемінде инвестиция салған.

«Жалпы, Қазақстанда Италияның 270-ге жуық компаниясы жұмыс істейді. 13 желтоқсанда Италияның Орталық Азия елдерімен ынтымақтастығы бойынша тағы бір жиын өтеді», - дейді ол.

Айта кетсе, аталған іс-шараға екі елдің іскер топтарының, ұлттық компаниялардың, мемлекеттік органдардан 200-ден астам өкілі қатысты.

Фото: Formiche.net

Жоғары қарай