Ауа райы
Астана -7 °С
Алматы 1 °С
валюта бағамы
USD 378.60
EUR 417.75
RUB 6.13
CNY 54.58

Қарағанды облысында ауыл тұрғындарының 90% интернетке қол жеткізеді

2019 жылдың 5 желтоқсан 2019 07:35

НҰР-СҰЛТАН. ҚазАқпарат - Қарағанды облысында ауыл тұрғындарының 90% алдағы екі жылда интернетпен қамтамасыз етеді. Бірінші кезекте дүниежүзілік желіге мектептер, ауруханалар және басқа да мемлекеттік мекемелер қосылады, деп хабарлайды облыстық әкімдіктің баспасөз қызметі.

Келесі жылдың өзінде «Қазақтелеком» компаниясы мемлекеттік-жекешелік әріптестік бағдарламасы бойынша 250-ден астам адам тұратын облыс ауылдарына талшықты-оптикалық беру желілерін салуды бастайды. Ең алдымен интернет мемлекеттік мекемелерде: мектептерде, ауруханаларда, әкімдіктерде, халыққа қызмет көрсету орталықтарында және т.б. пайда болады.

«Осы ауылдардың, сондай-ақ маңайдағы, ұсақ кенттердің тұрғындары да интернетті пайдалана алады. Олар үшін максималды қамту аймағында секундына 20-30 мегабитке дейінгі жылдамдықпен 4G желілері қол жетімді болады. Модемдерді сатып алу қажет», - деп түсіндірді «Қазақтелеком» АҚ Қарағанды аймақтық Магистральді желі учаскесінің техникалық директоры Игорь Лялин.

Қазір өңірде ауыл тұрғындарының 44%-ы жылдам интернетті пайдалана алады. 2022 жылға қарай бұл сан 90%-ға дейін өседі.

Басты сөздер: Қарағанды облысы, Интернет,
Жоғары қарай