Ауа райы
Астана -1 °С
Алматы 3 °С
валюта бағамы
USD 386.30
EUR 428.14
RUB 6.08
CNY 54.87

Қарағандыда өрт шыққан үйден 15 адам құтқарылды

2019 жылдың 23 қазан 2019 21:03

ҚАРАҒАНДЫ. ҚазАқпарат – Қарағандылық құтқарушылар өрт шыққан көпқабатты үйден 15 адамды аман алып шықты, деп хабарлайды ҚазАқпарат тілшісі облыстық Төтенше жағдайлар департаментінің баспасөз қызметіне сілтеме жасап.

22 қазан күні сағат 21.09-да Пассажирская көшесіндегі көпқабатты үйден өрт шыққаны туралы хабарлама түскен. Өрт сөндірушілер 6 минутта жетіп, үйдің кіреберісі қатты түтіндеп жатқанын анықтаған. Бірнеше адам пәтерлерінен өз бетінше шығып үлгерген.

Құтқарушылар мұқият барлау жүргізіп, жертөледегі орын-жайлардың ағаш конструкциялары жанып жатқанын анықтады.

Пәтерлер мен баспалдақ алаңдарын қою түтін басқандықтан, өрт сөндірушілер құтқару қалпақтары мен 3 иінді баспалдақтың көмегімен үйдің кіреберісінен 15 адамды, соның ішінде 6 баланы эвакуациялады.

Жертөледе температураның жоғары болуынан, ондағы кеңістіктің тарлығынан және қатты түтін салдарынан тілсіз жаумен күресу күрделене түсті.

Лаулаған от сағат 23.05-те толығымен сөндірілді. Өртті сөндіруге жеке құрамнан 26 адам және 5 бірлік техника жұмылдырылды.

Жоғары қарай