Ауа райы
Астана 0 °С
Алматы 5 °С
валюта бағамы
USD 389.98
EUR 434.01
RUB 6.10
CNY 55.04

Қазақстан азаматы Ресей ОСК басшысына шабуыл жасады деген күдікпен ұсталды

2019 жылдың 9 қыркүйек 2019 23:05

НҰР-СҰЛТАН. ҚазАқпарат – Қазақстан Республикасының азаматы Ресейдің Орталық сайлау комиссиясы басшысына шабуыл жасағаны үшін қамауға алынды. Бұл туралы ҚазАқпарат ҚР Сыртқы істер министрлігіне сілтеме жасап хабарлайды.

ҚР СІМ ресми өкілі Айбек Смадияровтың айтуынша, 7 қыркүйек күні 1983 жылғы ҚР азаматы Бақыт Қарабалаев ұсталған. Оған Ресейдің Орталық сайлау комиссиясының басшысы Э.Памфиловаға шабуыл жасады деген айып тағылып отыр. Бұлтартпау шарасының аясында отандасымыз 6 қарашаға дейін қамауда болады.

«Қазақстан азаматына қатысты РФ Қылмыстық кодексінің 162-бабының 3-тармағы бойынша қылмыстық іс қозғалған. Соттан кейінгі консулдық кездесуде Қарабалаев ешқандай шағымы жоқ екенін, аудармашыға мұқтаж еместігін айтқан. Ол адвокат қызметімен қамтамасыз етілген», - делінген ҚР СІМ ресми мәліметінде.


Автор Есімжан Нақтыбай
Басты сөздер: Сот, Ресей, ҚР СІМ,
Жоғары қарай