Ауа райы
Астана 9 °С
Алматы 4 °С
валюта бағамы
USD 389.59
EUR 429.06
RUB 6.05
CNY 55.07

Қазақстанда 3 қыркүйекте өтетін маңызды шараларға шолу

2019 жылдың 2 қыркүйек 2019 20:03

НҰР-СҰЛТАН. ҚазАқпарат – «ҚазАқпарат» халықаралық ақпарат агенттігі Қазақстан қалаларында 3 қыркүйек күні өтетін маңызды шаралар шолуын ұсынады.

НҰР-СҰЛТАН

Сағат 9.00-де «Үкімет үйінде» Мемлекет басшысының 2019 жылғы 2 қыркүйектегі Жолдауын жүзеге асыру шаралары жөнінде Үкімет отырысы өтеді.

19.00-де «АСТАНА» концерт залында Елбасының «Рухани жаңғыру» бағдарламасы аясында Нұр-Сұлтан қаласы әкімдігінің Мемлекеттік академиялық филармониясы Қазақ оркестрінің «Қайран, Нарын» атты ХХIII концерттік маусымын ашады.

АЛМАТЫ

11.00-де «Интерфакс-Қазақстан» агенттігінің баспасөз орталығында Фариза Оңғарсыноваға арналған спектакль туралы баспасөз мәслихаты өтеді. Спектакль премьерасы 5-6 қыркүйек күндері М. Әуезов театрында өтеді.

15.00-де «The Ritz-Carlton» қонақ үйінде Алматы қаласы кәсіпкерлерінің V конференциясы басталады. Жиынға «Атамекен» ҰКП Президиум төрағасы Тимур Құлыбаев, Алматы әкімі Бақытжан Сағынтаев және бизнес қауымдастығының өкілдері қатысады.


Автор Айжан Серікжанқызы
Басты сөздер: Қоғам,
Жоғары қарай